Whatsapp Gold

واتساب الدهبي هو نسخة متعدلة من تطبيق واتساب الاصلي وهو وسيلة من وسايل التواصل الاجتماعي المنتشرة بين ناس كتيرة ، التطبيق ده فيه مميزات كتيرة خلته افضل نسخة مطورة موجودة في الوقت الحالي و يمكن كمان احسن من الواتساب العادي ، تطبيق واتساب الدهبي فيه اضافات حلوة جدا و مختلفة ومش موجودة في النسخة الاصلية من الواتساب ، عشان كدة هنتكلم عن مميزات واتساب الدهبي و طريقة تحميله والعيوب اللي ممكن تلاقيها في التطبيق.

مميزات واتساب الدهبي

تطبيق واتساب الدهبي فيه مجموعة كبيرة اوي من الافكار و المميزات الجديدة جدا اللي هتخليك تحس انك في تجربة مختلفة تمامًا وخارجة عن المألوف ، ومن اهم المميزات دي :

الرسايل المجدولة والرد التلقائي

تكمن اهمية الرسايل المجدولة في انها بتخليك تجدول المحادثات و تتحكم في مضون الرسالة وبرضه بتخليك تحدد الاسماء اللي ممكن تبعت ليها الرسايل ، كمان تقدر تجدول نفس الرسالة عدد كبير من المرات ، اما بخصوص الرد التلقائي فهي ميزة بتخليك تضيف ردود تلقائية تخليك تبعتها الي اكتر من شخص وده بعد ما تحدد محتوى رسالة الرد التلقائي و الوقت اللي عايز تبعتها فيه.

التحكم في الإعدادات والخصوصية 

هنا بقى الجزء المهم في واتساب الدهبي فمن خلال الاعدادات تقدر تخفي ظهورك ومن الممكن تكون متصل او اونلاين ولكن دا مش هيكون باين عند الشخص اللي بتكلمه او اي شخص تاني عندك في الواتساب ، كمان فيه ميزة حلوة و هي منع مسح الرسايل والحالات يعني لو حد بعتلك رسالة و بعد كدة مسحها فانت هتلاقي الرسالة موجودة مش اتمسحت نفس الكلام ينطبق على الحالات يعني تقدر تشوف الحالات اللي اتمسحت قبل ما يعدي عليها 24 ساعة وكمان تقدر تحملها عندك على الموبايل ، تقدر برضه تخفي كلمة رسالة محولة اللي بتكون  فوق الرسالة اللي انت واخدها من عند شخص تاني ، كل اللي احنا اتكلمنا فيه ده بيدخل ضمن اعدادات الخصوصية العامة واعدادات الحالة ، اما بخصوص اعدادات المحادثات فتلاقي ان واتساب الدهبي بيقدملك مميزات جديدة و قوية جدا واللي هتلاقيها في اظهار الصحين اللي لونهم ازرق بعد الرد بس يعني لو شوفت رسالة او قريتها مش هيظهر انك شوفتها هيظهر بس بعد ما ترد على الرسالة ، تقدر برضه تخفي علامة جاري الكتابة و جار تسجيل مقطع صوتي وعلامة صح الاستلام اللي هي علامتين الصح بتوع الاستلام ، طبعا تقدر تتحكم في شكل التطبيق زي ما انت عاوز من خلال تغيير شكل الايقونة و تغيير الخط و التحكم في حجمه ، كمان واتساب الدهبي فيه لغات كتيرة جدًا ، افضل ميزة في واتساب الدهبي هو انك تقدر تخفي المحادثات نفسها وكمان تقدر تحدد مين اللي يقدر يتصل بيك ، لو انت زهقت من الشكل الافتراضي بتاع الواتساب الدهبي هلاتقي قسم خاص بالثيمات تقدر تغير في شكل البرنامج زي ما انت عاوز.

قطع الانترنت عن الواتساب

لو في مرة مكنتش عاوز تفتح الواتساب الدهبي وعاوز تفتح باقي التطبيقات عادي كل اللي انت هتعمله هو انك هتضغط على الايقونة اللي على شكل الواي فاي و بكدة تكون قطعت الانترنت عن الواتساب الدهبي بس من غير ما يأثر على باقي التطبيقات الموجودة في الموبايل.

النسخ الاحتياطي للمحادثات

الميزة دي موجودة برضه في واتساب العادي لكنها مختلفة شوية في واتساب الدهبي ، في واتساب الدهبي تقدر انك تستعيد النسخة الاحتياطية على طول من غير ما تحملها من جوجل درايف او تسمح التطبيق ، كل اللي انت المفروض تعمله هو انك تحفظ النسخة الاحتياطية بس وبعد كدة تقدر ترجعها زي ما انت عاوز في اي وقت .

فتح اكتر من حساب

تقدر من خلال واتساب الدهبي انك تضيف 5 حسابات لنفس التطبيق ، كل اللي انت هتعمله هو انك تضيف رقم الموبايل للحساب و تاخد نسخة احتياطية للحساب الحالي بتاعك وبعد كدة تنتقل للحساب التاني وتقدر تكرر العملية دي اكتر من مرة واللي ممكن توصل لخمس مرات.

الإشعارات الإضافية

الميزة دي هتخليك تتبع صحابك والاشخاص اللي عندك على الواتساب بشكل مستمر بمعنى انك هيجيلك اشعار بأن حد من اللي عندك غير الصورة الشخصية او هو دلوقتي متصل او اونلاين ، كما هتجيلك اشعارات ان شخص رفع ستوري او حالة على الواتساب ، تقدر كمان تتحكم في لون الاشعارات و نوعها و النغمة بتاعتها وتقدر برضه توقفها.

التحكم في شكل التطبيق والإشعارات

 علشان تحافظ على خصوصيتك من اي متطفل الواتساب الدهبي قدملك ميزة حلوة جدا و هي انك تقدر تغيير ايقونته بأي ايقونة تانية وبرضه الكلام دا بينطبق على الاشعارات ، كمان تقدر تغيير شكل الايموشن.

آمن ومجاني

واتساب الدهبي بتميز برضه بـأنه آمن تمامًا زي الواتساب الاصلي وبيحفظ الخصوصية و بيقدملك اقصى معايير الامان ، و دا من خلال قفل التطبيق نفسه وخفي المحادثات بكلمة سر ، فوق كل دا تقدر دلوقتي تحمل واتساب الدهبي مجانًا من غير ما تدفع اي فلوس كمان التطبيق حجمه مش كبير ومش هيكون حمل على الموبايل بتاعك.

ازاي تحول من الواتساب العادي الي الواتس الدهبي ؟

لو خلاص اتخدت القرار بأنك تنقل حسابك الي واتس الدهبي فلازم تاخد بالك من بعض الامور علشان مفيش حاجة تضيع من حسابك والمحادثات بتاعتك .

الخطوة الاولى

العملية دي هتتطلب منك انك تعمل نسخة احتياطية للمحادثات من الواتساب الاصلي ، و دا من خلال انك هتخش على "اعدادات الواتساب" بعد كدة تختار "الدردشات" وبعدها تختار "نسخ احتياطي للدردشات".

الخطوة التانية

الخطوة دي هتحتاج منك انك تغير اسم ملف الواتساب ، وعلشان تعمل دا هتخش على "ملفاتي" الموجودة عندك في الموبايل وبعد كدة تختار "وحدة التخزين الداخلية" وابحث عن ملف باسم "Whatsapp"، بعد ما تلاقيه دوس عليه بشكل مطول ودوس بعد كدة على التلات نقط الموجودة فوق هتظهرلك قايمة دوس على "اعادة التسمية" ، هنا بقى هتستبدل كلمة "WhatsApp" بـ "WhatsApp2Plus" ، بعد كدة دوس على اعادة التسمية.

بعد ما تعمل كل دا تقدر تثبت واتساب الدهبي وهتلاقي كل المحادثات القديمة وكل حاجة ليها علاقة بيك على واتساب بلس الدهبي.

عيوب تطبيق الواتساب الدهبي

حتى في وجود مميزات كتيرة في واتساب الدهبي لكن في برضه بعض العيوب وهي ان النسخة دي مش مدعومة مثلا وفي نسخ كتيرة اوي منها واللي ممكن تدخلك في حيرة وشكوك لما تيجي تنزله ، كما النسخ اللي موجودة على الانترنت فيها اعلانات كتيرة وبرضه بعضها بيكون فيه فيروسات ، علشان كدة لازم تحمل واتساب الدهبي من موقع موثوق.

معظم الاشخاص بتميل دايمًا لكل ما هو جديد و متطور ، فالكل بيدور على الحاجات اللي خارجة عن المألوف ويمكن دا اللي بيميز واتساب الدهبي في انه دايما متطور ومتقدم ، وسبق واتكلمنا عن المميزات الكتيرة اللي موجودة فيه واللي برضه هتخليك تحس بحرية وخصوصية اكتر لما تستخدمه ، المقصد من كل الكلام دا ان الواتساب الدهبي اهتم بكل الجوانب اللي تخلي اي شخص يستخدمه ولكن زيه زي اي تطبيق على الانترنت لا يخلو من العيوب .